النهارده هتكلم عن 3 العاب لطيفة جدا وممكن تبقي مفيدة لأنها بتعتمد علي الذكاء والتحليل و المنطق و الذاكرة, مش لازم اللعبة عشان تكون مفيدة انها تكون مملة ,يا رب تعجبكم
لعبة الغرفة المغلقة
لعبة الغرفة المغلقة
لو فاكر نفسك جامد وحاسس انك ذكي جدا يبقي فكر تاني
اللعبة دي من نوع العاب الغرفة المغلقة و اللي انتشرت الفترة اللي فاتت ,الفكرة بكل بساطة انك محبوس و المطلوب منك انك تخرج !,الموضوع مش سهل زي ما انت فاكر ,اللعبة معقدة جدا وتعتمد علي استخدام المنطق و التفكير و تفتيح الدماغ عشان تخرج من الغرفة ,لازم تتقمص شخصية شيرلوك هولمز و تبحث عن كل الادلة والتلميحات والربط بين كل شيء ممكن يساعدك تخرج من الغرفة , الاعب يجب ان يتمتع ب الذكاء والتركيز والخيال الواسع
الحل موجود برضو لو غلب حمارك ممكن تبص عليه بس يا ريت تكون صادق مع نفسك وتلعب من غير ما تبص علي الحل وتشوف انت تقدمت في اللعبة قد ايه ,ارجو ان تبذل قصاري جهدك قبل ما تبص علي الحل
استمتع باللعبة
لعبة الذاكرة التصويرية
بتشوف الارقام لمدة لحظات و بعد كده بتختفي وانت بتحاول ترتبهم من الاصغر للاكبر ,هتلعب اللعبة دي حوالي 10 مرات و بعدين هيظهرلك نتيجة ادائك .
ملحوظة هو الموقع باللغة اليابانية بس متقلقش انت اول لما تدخل علي الموقع هتلاقي اللعبة واضغط علي كلمة start وهتلاقي اللعبة بدات علي طول
بلاد العالم
لعبة تختبر مدي معرفتك بالجغرافية ,هيتكتبلك اسم مدينة والدولة اللي هي فيها حاول علي قد ما تقدلر انك تدوس بالماوس علي المكان اللي تعتقد ان المدينة دي فيه ,رصيدك من النقاط يزيد كل ما تكون اقرب للمكان الصحيح وفي وقت اسرع ,اللعبة تزداد صعوبة مع التقدم فيها واعتقد انها مفيدة لتنمية معرفتك الجغرافية قليلا
اتمني ان نعجبكوا هذه الالعاب