لام طول عمري اسمع ان السفر ليه سبع فوائد بس معرفش ايه هما,و كل ما اسأل حد ايه هي فوائد السفر السبع ؟ يقوللي معرفش و في غيرهم بيحاول يفتي و يقول اي اسباب و السلام زي "تغيير جو "!
عالعموم كنت بتصفح النت و خطر علي بالي اني ادور علي فوائد السفر السبعة قبل ما اموت من غير ما اعرفها و طبعا سألت الحاج جوجل
و لقيت نتائج كتير منها واحدة في موقع اخبار اليوم و اعتقد انه موثوق
هقول الفوائد باختصار و باسلوب مختلف شوية
1-انفراج الهم و الغم :البقاء في مكان واحد ربما يصيبك بالملل و الواحد احيانا يحتاج تغيير -يعني الراجل اللي بيفتي كان بيتكلم صح!-مش لازم تغييرالمكان بس ممكن الواحد يتعرف علي اكلات جديدة ناس جديدة بدل الخلق اللي الواحد بيشوفها كل يوم ,وغيرها كتير من الاشياء اللي الواحد ممكن يغيرها
2-اكتساب المعيشة :ممكن الواحد يلاقي فرص عمل تناسبه في اماكن اخري ,يقول سبحانه وتعالي :{ هو الذي جعل لكم الأرض ذلولاً فامشوا في مناكبها وكلوا من رزقه وإليه النشور }
3-تحصيل العلم: التعلم في ربما يكون من افضل فوائد السفر و دو واضح في الناس اللي بتسافر و بعد كده بيعملو انجازات تجعل كل الناس تفخر بها و لازم نقتدي بالانبياء و الصالحين ,فكانو يقطعون مسافات طويلة جدا لأجل سماع حديث واحدد عن الرسول.
4-تحصيل الاداب : يقابل المرء ادباء و علماء لا يذهبون الي بلده فيكتسب من أخلاقهم ويقتدي بهم، و يصبح شخص اكثر ثقافة و حكمة لانه يتعلم الكثير من الناس الذين خاضوا الكثير من التجارب التي ربما لن يعلمها و هو في مكانه
5-صحبة الامجاد: الواحد لما يسافر بيقابل ناس مختلفة و اكيد هيلاقي كرام الرجال و اطيبهم و يعيش معاهم و يستضيفوه لأنهم ناس اهل كرم و ضيافة
6-استجابة الدعاء:لقول رسول الله : ( ثَلَاثُ دَعَوَاتٍ مُسْتَجَابَاتٌ لا شَكَّ فِيهِنَّ دَعْوَةُ الْمَظْلُومِ وَدَعْوَةُ الْمُسَافِرِ وَدَعْوَةُ الْوَالِدِ عَلَى وَلَدِهِ ) يجب علي المسافر الحرص علي الدعاء و طلب الغفرة له و لوالديه و لجميع المسلمين
7-زيارة الاحباب و الاقارب: وهذا من أفضل القربات إلى الله سبحانه وتعالى ويشهد لذلك حديث رسول الله صلى الله عليه وسلم: « أَنَّ رَجُلاً زَارَ أَخًا لَهُ فِي قَرْيَةٍ أُخْرَى، فَأَرْصَدَ اللَّهُ لَهُ عَلَى مَدْرَجَتِهِ مَلَكًا، فَلَمَّا أَتَى عَلَيْهِ قَالَ: أَيْنَ تُرِيدُ ؟ قَالَ: أُرِيدُ أَخًا لِي فِي هَذِهِ الْقَرْيَةِ. قَالَ: هَلْ لَكَ عَلَيْهِ مِنْ نِعْمَةٍ تَرُبُّهَا ؟ قَالَ: لا غَيْرَ أَنِّي أَحْبَبْتُهُ فِي اللَّهِ عز وجل. قَالَ: فَإِنِّي رَسُولُ اللَّهِ إِلَيْكَ بِأَنَّ اللَّهَ قَدْ أَحَبَّكَ كَمَا أَحْبَبْتَهُ فِيهِ »
ايه .. نفسك تسافر دلوقتي ؟؟ و أنا كمان .
علي فكرة السفر مش لازم يكون خارج البلد ممكن يكون من مدينة و اخري صدقني ههتشوف حاجات مختلفة و تعيش تجارب مثيرة جرب مرة و روح مدينة عمرك ما رحتها قبل كده او زور حد من قرايبك ساكن بعيد و لم تلقيا من فترة . وسائل المواصلات دلوقتي اسهل من زمان و ليس لديك حجه جرب كده و ادعيلي و لو حصلتلك تجارب سيئة انا مليش دعوة:)
مصدر الصورة
مصدر الصورة