17 ديسمبر 2016

ازاي تعوض في الفاينال!


كل سنة بتعمل نفس المصيبة و متذاكرش من اول الدراسة ما تبدأ و غالبا اصلا مش بتحضر محاضرات و عايش حياتك و فجأة واحد صاحبك يكلمك و يقولك عندنا ميدترم الاسبوع الجاي ! . تبتدي تحضر اللي تقدر عليه الاسبوع ده علي امل انك تفهم حاجة او ان الامتحان يجي من المحاضرات دي, و تجيب ورق قد كدة و تذاكر منه و طبعا مش بتخلصه كله ومش عارف تفهم اللي مكتوب و لا تحفظه و لا ايه المهم و ايه اللي مش مهم و تدخل الميدترم و تلبس طبعا و تجيب 3 من 15 مثلا و تقنع نفسك انك هتعوض في الفاينال !

09 ديسمبر 2016

5 طقوس صباحية تجعل يومك اكثر انتاجية


ما هي اهمية الطقوس اليومية؟

اللي بيحصل في اول 30 دقيقة في اليوم له اكبر تأثير علي مايحدث في باقي اليوم ,  المفروض انك تتحكم و تمسك بزمام الوقت ده عشان تقضي يومك بصورة افضل , كل الناس الناجحة ليهم طقوس بيعملوها كل يوم و كل واحد ليه نظام خاص بيه و الحاجات دي بتساعدهم علي انهم يمارسوا حياتهم بشكل اكتر كفائة .

قبل ما تبدأ 


ابعد عن المشتتات اي حاجة زي التليفون و التليفزيون و النت و اي حاجة مش هتقدر تتحكم في تأثيرها عليك و ممكن تأثر عليك بالسلب اكتر مما تتخيل .

15 نوفمبر 2016

كيف تدير امورك المالية


معظمنا اللي بيشتغل او حتي اللي بياخد مصروف و لسة موصلش سن العمل غير قادرعلي السيطرة علي اموره المالية ، يعني دائما عند اقتراب نهاية الشهر الفلوس بتخلص و بنستلف او بنعيش اخر اسبوع في الشهر زي الشحاتين و اول لما نقبض بنصرف اغلب الفلوس في اول اسبوع في الشهر و نفضل في الدايرة طول الوقت ، الشهر بيسلم التاني و الوضع مش بيتغير حتي لو مرتبك زاد عشان ببساطة مصاريفك بتزيد عشان تناسب مستواك الاجتماعي اللي متخيل انك وصلتله ! بس انت برضو بتعيش اخر اسبوع في الشهر زي الشحاتين او بتستلف .



21 أكتوبر 2016

كم يربح اصحاب قنوات اليوتيوب الشهيرة ؟!


سؤال يدورفي عقل البعض ؟ 
الناس دي بتضيع وقت قد ايه عشان تعمل الفيديوهات اللي بتنزل مرة او 2  كل اسبوع او احيانا اكثر من ذلك للقنوات النشيطة و التي ممكن تنزل اكثر من مرة في اليوم !

الحقيقة ان الموضوع مش هواية لاغلبهم و بيكسبوا فلوس كويسة , كويسة لدرجة انك ممكن تبطل الشغل الاساسي بتاعك و تتفرغ لقناتك علي اليوتيوب 

بيكسبوا كام بقي ؟ 

30 يوليو 2016

توقعات لأيفون 7


اقترب ميعاد الاعلان عن الجيل الجديد لهاتف ايفون و متوقع ان يحمل الرقم 7 , و يعتبر رقم 10 في سلسلة هواتف بدأت من عام 2007 هذا اذا اهملنا هاتف ايفون SE  و الذي يعتبر مجرد تحديث لايفون 5 بامكانيات منتقاه من ايفون 6 و 6s . 

الانترنت مليئ الان بالتوقعات و التسريبات التي تحاول معرفة ما الجديد في هاتف ايفون 7 , و لن اكذب عليكم التوقعات تقترب بنسبة كبيرة من الحقيقة و ذلك عن تجربة في الهواتف السابقة مثل ايفون 6 و 6S و التي طابقتها التوقعات بنسبة كبيرة
اليكم ابرز التوقعات 

1 - الغاء قابس السماعات

28 يونيو 2016

كيف تصنع موهبتك ؟!



يا تري الواحد بيتولد موهوب ؟
الموهبة مش زي ما انت متخيل 
النجاح 99 في المائة جهد , 1 في المائة الهام 

طب طالما الموضوع بالمجهود ليه مش ناس كتير متميزة في شغلها او هواياتها ؟

الموضوع ببساطة ان المجهود ده مش مجهود شهر او اتنين ممكن يكون مجهود سنيين او اكتر من عقد كامل , كتاب  outliers  قال رقم واضح ممكن نبقي متميزين او موهوبين في نظر الناس لو وصلناله الرقم ده 10,000 ساعة ايوة عشرة الاف ساعة يعني تقريبا 3 ساعات 6 ايام في الاسبوع لمدة 10 سنوات تمرين او ممارسة للحاجة اللي نفسك تبقي متميز فيها
طبعا اغلب الناس مش بتصبر علي حاجة لمدة 10 ساعات !

فاكرين المشهد اللي كان في فيلم "لا تراجع ولا استسلام القابضة الدامية " لما كان الشخصية "حزلئوم " لسه متعلمش السواقة و عايز يخمس بالعربية و مستعجل و فاكر الموضوع سهل .


20 يونيو 2016

كيف تبحث عن وظيفة

البحث عن وظيفة  job hunting :






كتير مننا لما بيخلص دراسة و يبتدى يدور على شغل بيكون مش عارف هو بيدور على اية و فين يعنى هو اصلا مش عارف المجال الى هو عاوز يكمل فية و الى بيحصل فى الاخر انة لما بيلاقى شغل و يفرح بية بيرجع يسيبو بعد شوية و يبدا فى حاجة تانية و مجال تانى خالص و النتيجة انة بيفضل فى نفس المستوى طول الةقت لانة مبيركزش فى جزء معين و يبتدى ياخد خبرة فى الحتة دية و يبقى مميز فيها و بالتالى سعرة يعلى و يبقى مطلوب.

فى ناس شايفة ان ده طبيعى بعد الكلية و كل واحد لازم يجرب كل حاجة عشان يقرر بس انا الصراحة شايف انك تدور على المجالات الى ممكن تشتغل فيها من وقت متدخل الكلية و شوف اية المجال الى بتحبو و ابتدى ركز اكتر علية و خد كورسات و لو مش عاوز تدفع فلوس اتعلم اون لين و الموضوع هيبقى سهل لو انت عاوز تتعلم و مركز دور بس على النت و هتلاقى Tutotials لكل حاجة حتى لو عاوز تتعلم جيتار هتعرف .

حاجة تانية مهمة جدا لو مبتعرفش تتكلم انجليزى ابتدى اتعلم من دلوقتى و برضو سهل اوى انك تتعلم اون لين و بعد كدة تروح تمتحن بس و صدقنى اللغة هتفرق معاك جدا و الكلام دة عن تجربة و يا ريت لو تتعلم اكتر من لغة تبقى خدمت نفسك و فتحت مجالات كتير قدامك غير حتى تخصصك اصلا بتاع الكلية.

اهم المجالات :

طيب علشان نوضح الصورة اكتر هاقولوكو على شوية مجالات مختلفة :

1-  3D Modelling
من اهم البرامج الى لازم تتعلمها AUTO CAD - RHINO - CINEMA 4D - MAYA و المجال دة واسع و شغلة كتيريعنى
ممكن تعمل تصميمات ديكور او اثاث او تعمل شكل الاسطمبة و تدخلة على مكنة ال CNC او تعمل الشكل نفسة و تطبعة على 3D printer يعنى هتلاقى فرص كتير فى المجال دة.