فكرة علي السريع كدة
اوقات كتير كدة بتبقي مضغوط و زعلان و مبوز و تحس ان الدنيا صعبة و ان انت فاشل و .... خلاص مش ناقصاني انا عارف :)
بص يا سيدي تجيب كراسة , كشكول اي حاجة حتي لو المذكرات اللي علي الموبايل و طول الوقت اكتب فيها الحاجات اللي عملتها كويسة نجاحات زي مجموع جبتو في سنة معينة او انك طلعت من الاوائل علي دفعتك مش لازم مذاكرة ممكن ماتش كورة كسبته او خروجة حلوة مع صحابك او موقف لطيف حصل و ضحكت عليه ..
المهم انك تملا الكشكول ده برصيد كويس و كل ما تحس ان الدنيا صعبة افتحه هتلاقي موقف يضحكك من قلبك او حاجة تحفزك علي مواجهة المشكلة اللي انت بتواجهها .
الميزة في الكشكول ده ان المواقف بتاعتك انت يعني لما تقراه هتسترجع شعور حسيته قبل كدة مش حاجة جديدة ممكن يكون صعب عقلك يتقبلها
جرب كدة