Network
طبعا عاوز تعرف ايه الي في الصورة ؟
اقولك انا الصورة دي فيها مذيع بيعمل برنامج في شبكة تلفزيون في امريكا مذيع مجنون او قرب انه يتجنن بعد مافضل طول عمره يشتغل مذيع اخبار في البرنامج ده عرف ان المحطة قررت ترفدوا علشان اعلانات البرنامج قلت و بيبتدي الفيلم اننا نعرف ان هورد بيل الي هو الي في الصورة ده بقي انسان حياته ادمرت مراته ماتت و هيترفد من وظيفته وان كل حياته الي ضيع عمروه كله علشان يبنيها انهارت و مبقاش ليها معني و كل ده ليه علشان اعلاناته قلت فبيفكر انه ينتحر و يخلص من حياته و بيروح تاني يوم و هو بيقدم البرنامج بيقول للناس انه قرر انه هينتحر علي الهواء بعد اسبوع و من هنا يبتدي الفيلم بتبتدي ادارة المحطة انها تحاول تمنعوا عن الظهور علي الهواء في الاول الا انهم بيلحظوا ان الاعلانات بداءت تزيد علي البرنامج ده فبيبتدوا يحاولوا يستفيدوا من الموضوع لاكبر درجة ممكنة.
انا بصراحة مش عاوز احرق الفيلم ده لان انا عاوز كل الناس تشوفوا الفيلم بيتكلم عن تاثير الاعلام علي الناس و تائثير الفلوس علي الاعلام وان الناس بقت عيشا زي ما الاعلام يقولهم مش زي ما هما المفروض يعيشوا وان ازاي الفلوس بتتحكم في الاعلام و في نوعيته بشكل يخليك تحس انك معندكش امل في حياتك و انك لازم تخرج من الدايرة دي و لازم تغضب وتثور قول ورايا "I'M MAD AS HELL AND I'M NOT GOING TO TAKE THIS ANYMORE "الفيلم من اخراج العبقري Sidney Lumet و الفيلم حائز علي 4 اوسكار ياريت تشوفوا الفيلم و تقولوا رائيكم و ممكن تحميله من علي الانترنت اذا لم تجدوه في السوق