شاهدت مؤخرا فيلم adjsutment bureau وهو من الافلام المميزة التي تعتمد علي الذكاء و الابداع في طريقة سرد الاحداث وده يعطيه افضلية بالمقارنة بالافلام الكبيرة التي تعتمد علي الانتاج الضخم و القصة ....اي كلام! .
الفيلم من نوعية الاثارة والرومانسية و الغموض في وقت واحد , لما اتفرجت علي الفيلم حسيت انه مجرد فيلم بيحكي عن قصة حب زي اي فيلم و ينتهي بنهاية سعيدة و خلاص ,بس الاحداث تتوالي و تنتقل من قصة حب الي تحدي و صراع مع شخصيات لها دور غريب في الحياة و هو عمل تعديل و توافق للعالم فهم يعلمون قدر و مصلحة كل شخص في المستقبل (استغر الله العظيم.. الله وحده يعلم الغيب) و يقومون بتعديل بعض الاحداث البسيطة التي تفرق في حياة الناس و لكن تنتصر في النهاية الارادة الحرة للانسان و هو ده مغزي الفيلم
مات ديمون عمل اداء رائع و خرج عن نمط الافلام بتاعته زي the departed , bourne identity وغيرها اتمني اشوفه في افلام زي كده تاني وايميلي بلنت كان ادائها اكثر من رائع و وكان كل واحد فيهم طبيعي و تلقائي ويحسب ذلك لهم وللمخرج الذي استطاع ان يخرج منهم باداء بهذه الجودة.
حلاوة الفيلم انه ذكي و يعبث بأفكارك .. بكل بساطة من افضل افلام 2011 ,لو انت بتحب الافلام اللي زي inception, momento, the matrix يبقي ده الفيلم المناسب ليك