كتاب الجار المليونير the millionaire next door

ايه هي فكرتك عن المليونير ؟  طب عايش ازاي ؟ و ايه اللي يخليه مليونير ؟ بيركبو عربية شكلها ايه؟ و هل المليونير يعتبر شخص غني ؟ طب الناس اللي مرتباتها عالية اغنياء ؟ طب ايه العربيات اللي بيركبوها؟

الكتاب ده هيغير فكرتك عن الناس الاغنياء و خليك تبص للمبدأ من منظور مختلف

مؤلفي الكتاب عملو مجهود كبير عشان يجمعوا المعلومات اللي بيعتمدوا عليها

الكتاب بيوضح اهم 7 صفات في الناس الاغنياء

1 بيعيشوا في بيئة اقل من مستواهم  بيوفرو و حريصين في الصرف

2 بيوجهوا وقتهم و طاقتهم و فلوسهم في طرق مرتبطة بتنمية ثرواتهم

3 مبدأهم ان الاستقلال المالي اهم بكتير من المظاهر الاجنماعية

4 العائلة لم توفر لهم الدعم المادي في حياتهم , بيدربوهم من صغرهم علي الاستقلالية و تحمل المسئولية

5 اولادهم البالغين مستقلين ماديا

6عندهم خبرة و احترافية في استهداف الفرص ( مهارة مهمة جدا)

7 يختار مجال عملهم المناسب و اللي بيحبوه 

في الاول الكتاب بيسالك 

انت عارف انت بتصرف كام بالضبط علي الملابس , الاكل , الايجار ....؟

عندك خطط و اهداف يومية , اسبوعية , سنوية  واضحة سواء مالية او في المجالات الاخري؟\

 بتحدد وقت خاص للتخطيط لمستقبلك المالي ؟

كل ما تكون اجابتك تقترب من "نعم" كل ما فرصتك بتزيد انك تبقي غني و مليونير 

في فرق ما بين الغني و اصحاب الدخول العالية , اشهر امثلة علي اصحاب الدخول العالية الممثلين و لاعبين الكرة و مدراء الشركات و اكيد تفتكر امثلة لاكتر من واحد منهم بعد ما توقف عن العمل او اصبح الاقتصاد في حالة ركود او موهبته انطفأت لم يحتملوا عام او اثنان و اصبح حالك افضل منهم اصبحوا مديونين و في حالة نفسية سيئة , اما عن الاغنياء لا يحدث معهم ذلك حتي مع تقلب الاقتصاد تجدهم مستقرين و احيانا يربحون من استغلال الفرص . 

الاغنياء بيركبوا عربيات نوعها ايه ؟
طبعا هتتخيل بيركبوا موديل السنة و عربيات كبيرة و كدة 
بس الحقيقة ان نسبة كبيرة منهم بيشتروا عربيات مستعملة و كمان عمرها اكتر من سنة يعني ممكن يوصل لخمس سنيين و ده لانهم عارفين ان قيم العربية زيرو مبالغ فيها و ان استعمال خفييف يعتبر تنازل بسيط قدام فرق السعر اللي بيوفروا 

احد الشخصيات المذكورة في الكتاب رفض قبول سيارة رولز رويس من اصدقائه و قال السبب انها مش مناسبة لاسلوب حياته اللي بيحب يروح البحيرة يصطاد سمك كل فترة و كمان وجود عربية زي دي هتجبره انه يغير حاجات كتير في حياته عشان تناسب السيارة زي طريقة لبسه و ممكن مكان اللي عايش فيه و طبعا ده جي عليه بخسارة 

تعليقاتي الشخصية علي الكتاب
نظرتي للاغنياء اتغيرت بصراحة بعد ما قريت الكتاب مش كل الناس اللي معاهم عربيات فخمة او ساكنين في بيوت راقية يبقو اغنياء , ممكن يكونوا من اصحاب الدخول العالية و ما عندهمش ثقل او ثروة يسندوا عليها لو الدخل ده توقف
من طريقة الكتابة واضح جدا انه كتاب بحثي و في مجهود كبير اتعمل عشان يطلع و موثق كل معلوماته بالاحصائات و ابجاث رسمية
الكتاب مش هيخليك مليونير في 6 شهور و اغلب الشباب مش هيعجبهم الكلام بس اعتقد ده اقوي فرصة ليهم عشان يقدروا يبتدوا يكونوا عادات و عقلية تخليهم اغنياء

انصح بقرائة الكتاب , و يوجد به الكثير من الاحصاءات و المخططات يمكن تخطيها بس اهم حاجة تفهم الهدف الاساسي للكتاب