من الاخر كدة مفيش خلطة سحرية عشان تكون خبير .. مفيش طريق مختصر .. مفيش حظ .. مفيش واسطة .. لو عايز تبقي خبير في حاجة لازم تاخد الطريق الصح
الخمس خطوات دول هيساعدوك
الخبير ده مصطلح نسبي
الموضوع بيختلف علي حسب المكان و الحاجة اللي هتعملها مفيش حاجة اسمها خبير وخلاص لو انت تعرف حد يعرف حاجة احسن منك برضو في حد يعرف اقل منك و انت تعتبر خبير بالنسبة , انت مش محتاج تكون تعرف كل حاجة عن الموضوع انت محتاج القدر الكافي لانهاء المهمة و الوصول لهدفك
اتعلم من الكتب و المن الخبرة العملية
لازم تتعلم الحاجة ولازم تعمل الحاجة , الكلام النظري مش كافي لانك تكون خبير ولا التجربة العملية بدون علم برضو , مثلا لو عايز تمارس هواية التصوير في الاف المواقع علي النت و الكتب في المكتبات اللي بتتكلم عن التصوير و الكاميرات مهما قريت مش هتعرف تصور صورة حلوة برضو لو انت معاك كاميرا و عمال تصور عالفاضي مش هتطلع الصور حلوة ممكن متعرفش تستغل كل امكانيات الكاميرا او تستفيد من نصائح ناس تانية
ركز
لما تبدا تتعلم حاجة لازم تركز عليها هي بس و اطرد اي افكار مشتتة , التركيز مهم في الاول بالذات عشان تعرف التفاصيل , ركز علي كل خطوة لوحدها و متركزش علي انك تبقي خبير في الموضوع كله , لو عرفت تحترف كل خطوة لوحدها هتوفر علي نفسك وقت كتير اوي
اطلب مساعدة من الاخرين
كل الناس الخبراء لازم يكونو بيعرفوا حد بيساعدهم , افضل لاعبين التنس مثلا معاهم مدرب و الراجل ده ممكن ميكونش احسن منهم و لا حاجة بس هيبقي شايف الموضوع احسن منك و هيديك رايه اللي ممكن تستفيد بيه لتحسين ادائك
اغلط
لازم تمارس الحاجة عشان تحترفها مهما اتعلمت مش هتبقي محترف الا لما تجرب و تغلط , اكبر عدو ليك في رحلتك للنمو و الاحتراف هو الخوف من الخطأ , مثلا مهما اتعلمت لغة كويس واخدت كورسات حتي لو في افضل الاماكن مش هتبقي كويس في اللغة الا لما تمارسها , جربت مثلا لو انت في مصر و رحت مكان اثري هتلاقي الناس اللي شغالة هناك في البازارات بيتكلموا مع السياح احسن منك و تقريبا زيهم و ممكن ميكنش بيعرف يقا و يكتب ! هو بيتكلم اللغة كل يوم و بيحسن ادائه في اليو اللي بعده
اكيد في حاجة نفسك تبقي كويس فيها جرب الخمس مبادئ دول و هيفرقوا معاك ان شاء الله