الرًهان
انهارده عاوز اتكلم معاكم عن قصة الرهان للعبقري الي في الصورة ده " انطون تشيخوف " اولا لازم اقولكم حاجة ان الادب الروسي خصوصا روسيا القيصرية يعني روسيا قبل الثورة البلشوفية هو فن عظيم جدا و مدرسة مستقلة غاية في الجمال و الابداع و هو نموذج للادب الي يعبر عن الظلم و الاضطهاد الذي تتعرض له الشعوب و يحرض علي القيام بالثورة علي هذا الظلم و عموما الكتاب المشهورين بالنسبة لينا و الي اعمالهم ممكن نلقي منها نسخ بالعربي هم دستوفسكي و تشيخوف والاول هو صاحب رواية الاخوة الاعداء المشهورة جدا و الي اتعملت افلام و مسلسلات عندنا في مصر
اما بقي التاني و هو تشيخوف فبختصار كده الناس الي بتحب القصص القصيرة و مش بيحب الرويات فالراجل ده هو مؤسس فن القصة القصيرة و احد اعظم ان لم يكن أعظم كاتب قصة قصيرة في التاريخ اما قصة انهارة الرهان فالقصة هي درة من درر الادب العالمي و القصة بتحكي عن اغرب رهان ممكن تسمعوا عنه القصة ان في بيت رجل غني جدا بيكون في حفلة عشاء و معزوم فيها اصدقاء الراجل ده و بيدور نقاش حولبن انهي عقوبة تختار الاعدام ولا السجن المؤبد فالراجل الغني بيقول ان الاعدام احسن لانه موت سريع و المؤبد موت بطيئ و ان عيشة السجن من غير حرية دي مش عيشة و بيظهر واحد محامي وسط الموجودين بيخالف الراجل الغني و بيقول ان الحياة اي ان كانت احسن من الموت بكل الاحوال فبيشتد النقاش و بيقول الراجل الغني للمحامي انه موافق انه يراهنوا علي 2 مليون من فلوسوا انه مايقدرش يستحمل 5 سنين سجن و بيقبل المحامي الرهان بس علي 15 سنة مش بس 5 و بيبتدي يتفق مع الراجل الغني علي ان ال2 مليون يتحطوا وديعة و ان المكان الي يتحبس فيه هيكون زي السجن فعلا و انه هيجبلوا سجان و انه هيوفرلوا كل الحاجات الي يطلبها بشرط انه ميخرجش من باب الاوضة ابدا والا يخسر الرهان و تبتدي الرواية تحكي احداث المدة الي بيقضيها المحامي في السجن ده و رد فعل الراجل الغني عليها و بنفضل طول القصة مستنين لحظة الفوز بالفلوس لاي طرف فيهم و بنفضل طول القصة باصين علي الفلوس و بتشغل هي كل الاهتمام زي العادي بتعنا في الدنيا بنفضل نجري وراء الفلوس و المادة طول عمرنا مهما كان لحد مابتيجي لحظة النهاية و يصدمنا تشخوف بنهاية غريبة و دي عادته تفتكروا مين الي كسب الرهان و هل ممكن يكون ال2 كسبنين