من الافلام المميزة اللي شفتها الفترة اللي فاتت فيلم mr nobody اعتقد الكلمة الوحيدة اللي ممكن توصفه انه "مختلف"
لما تتفرج عليه هتحس انك مش فاهم حاجة بس هتبقي عايز تكمله عشان الفضول تمكن منك و عايزتفهمه و تشوف هيخلص الفيلم ازاي
الفيلم بيحكي عن واحد اسمه mr nobody و عنده 100 سنه و هيكون اخر معمر علي وجه الارض في عام 2092 و خلاص قرب يموت و يتسلل صحفي الي داخل المستشفي لعمل حوار مع mr nobody و يسأله عن حياته .
mr nobody هيحكيله قصص حياته -ايوه قصص- هما في الحقيقة ثلاث قصص و ثلاث مصائر كان المفروض يختار بينهم و يشعر بحيرة شديدة,ثلاث قصص حب, ثلاث زوجات ,ثلاث عائلات,ثلاث نهايات لكل مسار اذا اتخذه
انا مش هتكلم عن قصة الفيلم اكتر من كده عشان ما احرقوش
فكرة الفيلم الاساسية تدور عن "الاختيار" و اهميته و ان قرار معين ممكن يغير حياتك الي الابد ,القصة معقدة تتسائل عن العشوائية و كيف تتشكل حياتنا ,في وسط الفيلم بعض المشاهد الوثائقية العلمية يقدمها نفس بطل الفيلم التنير عقولنا ببعض الاشياء مثل الوقت و نظرية الانفجار الكبير و الانكماش الذي يليه و متي سيحدث و غيرها ,تتناغم هذه الوقفات بكل سهولة مع قصة الفيلم و لا تشعر ان انك خرجت من سياق القصة .
- التصوير يدل علي احترافية المخرج و ابداعه ,اعتقد انه استخد م ميلر تصوير مختلف لكل حياه عاشها البطل حتي لا تشعر بالربكة و الاحداث تتوالي بكل سلاسة و ينتقل بين كل حياة و الاخري باحترافية متميزة
- الموسيقي التصويرية رائعة في مكانها و مناسبة جدا للاحداث
- الفيلم من تأليف و اخراج نفس الشخص ,الموضوع ده مش اول مرة يحصل مثلا inception و1 million dollar baby و غيرها و كل الافلام دي ناجحة جدا ربما يجب تكررار هذه التجربة اكثر من ذلك لأنه كما يبدو ناجحة جدا
تريلر الفيلم
اذا لم تشاهد هذا الفيلم حتي الان فارجوك افعل